Myen hpyenla ni mungmasha ni hpe mara kata sinat hte hkan gap
Mungmyit Sinli Ga, Kachin Sub-State Namtu ginwang hta dap jung ai Myen Hpyen Dap Hk.M.Y ( 324 ) na hpyen hpung ni April 19 ya shana hkying 10:30pm aten daram hta salang
Hpaula Gun Mai hte madu jan ေဒၚ သိတာခုိင္ yan hpe mara kata sinat hte gap ai lam na chye lu ai.
Salang Hpaula Gun Mai hte madu jan ေဒၚ သိတာခုိင္ yan gaw, Namhkum mare hta hpaw da ai bawngring hpalap jak kaw bungli galaw ai yan rai nna, Manbat mare na hpalap hpe Namhkum jakrung kaw wa htaw bang da nhtawm, shan a kasha ni nga ai Baw Dwi mare kanyi katsa ni a nta wa ai lam ဆည္ၾကီး ngu ai shara kaw, Myen hpyenla ni hkap jahkring san jep nna, mai wa sai ngu shalai dat ai kaw hpang hku sinat hte bai hkan gap dat ai majaw, shanla lahkawng yan a la hkra, magyi kaw hkra hkala mat ai lam, buga masha ni tsun ai kawn chye lu ai.
Hkala hkrum ai salang Hpaula Gun Mai gaw, Namdu tsi rung de wa tsi nna, maju jan ေဒၚ သိတာခုိင္ hpe gaw Baw Dwi tsi rung kaw sha tsi tsi nga ai lam na chye lu ai.
Ndai salang Hpaula Gun Mai yan nu wa ni gaw Mandung ginwang Manbun mare kaw na rai nhtawm, Namtu ginwang, Baw Dwi mare na kanyi katsa ni kaw shan yan a kasha ni hpe tawn let, shanla gaw Namhkum hpa hka jak kaw bungli galaw ai re hpe mung na chye lu ai.
