Danai hka nam de yu ai Jak li ni hpe Myen hpyen dap hte Lisu Pyi Tu Tsit ( P.T.Ts ) ni pat

Sinna Ginwang Ginjaw, KIA Dap Ba ( 2 ) ginra, Lamung hka hte Danai hka zup kaw shara jahkrat nga ai Hk.L.Y ( 86 ) dap hte Lisu P.T.Ts hpyenla ni, April 23 ya shani kawn Danai

hka nam de yu ai Jak li ni hpe tsep kawp n yu lu na ngu, Hka hkinggau hkan laika hkan shakap tawn ai lam, buga masha ni tsun ai kawn na chye lu ai.

Laiwa sai February shata hta mung, Danai hka nam de yu yu lung lung dinghkrang ai Jak li ni hpe Myen hpyen dap ni kawn pat hkum lam galaw ai majaw, hkrun lam hkawm mungshawa ni yak hkak lam ni byin lai sai re. Ya mung dai zawn bai byin na hpe hkrit tsang ai lam, dai buga na salang langai tsun ai kawn chye lu ai.