Masat (9) hte Masat (5) Dap Ba ni hta gasat gala majan byin
Uru Ginwang Ginjaw, Masat (9) Dap Ba ginra, Hkan Ti hte Nam Hkyi Bum (Nam Si Bum) kaw shara la nga ai Myen hpyen dap hpe KIA hpyen hpung ni sa htim gasat ai majaw May shata 22 ya jahpawt hkying 4:00am aten hta gasat gala majan byin ai lam shawng lam shi sawk ni shana wa ai kaw nna chye lu ai.
Dai hpang hkying 7:55am aten hta, gasat poi byin nga ai Hkan Ti hte Nam Hkyi Bum (Nam Si Bum) shara de Myen hpyen dap ni kawn Jet nbungli (2) hte numdaw (2) lang bawm wa jahkrat ai lam nga ai re.
May 22 ya shani hkying 9:00am aten hta mung, Masat (43) ginra, Jam Bu Myen hpyen dap kaw nna pru wa ai Myen hpyen n gun (15) daram re ai hpyen hpung ni hpe KIA (43) kata na hpyen hpung ni, Jam Bu lam numshe kaw bawm (3) lang hkap gap ai kawn gasat poi byin ai re.
Ginjaw Ginra Masat (5) Dap Ba, Masat (25) Dap Dung ginra, Loi Jaw gadawng maga de mung shana maga hkying 7:30pm aten kaw nna hkying 8:05pm aten laman, Myen hpyen dap ni, laknak kaba 79mm (maram) hte numdaw (20) jan lang daram gap shangoi nga ai lam shawng lam shi sawk ni matut tsun dan ai kaw nna chye lu ai.
