KIA hte Gumshem Myen hpyen hpung ni gasat gala majan matut byin
KIA Masat (5) Dap Ba npu, Masat (25) Dap Dung ginra, Salawng Kawng grup yin hta May shata 24 ya shani hkying 11:10am aten kaw nna KIA hte Gumshem Myen hpyen hpung ni gasat gala majan byin nga ai lam, shawng lam na lit nga ai salang ni kaw na chye lu ai.
Jahpawt hkying 8:00am aten hta Masat (25) Dap Dung ginra, Jaw Maw maga de Da Sai Hk.L.Y (237) dap hte Hk.M.Y (387) dap kawn laknak kaba gap bun ai lam nga ai.
Jahpawt hkying 7:27am-8:00am aten laman hta mung, KIA Masat (15) Dap Dung ginra, Nmawk Hk.M.Y (437) dap kawn KIA Masat (5) Dap Ba ginra de 122mm gap bun ai lam chye lu ai.
May shata 23 ya shani hta gaw KIA Masat (9) Dap Dung ginra, Man Kawng mare kaw nga ai Pan Se P.T.Ts hte Dapnu (99) kata na pawnghpawm Gumshem Myen hpyen hpung ni hpe KIA hpyen hpung ni sa htim gap gasat ai kawn gasat gala majan byin ai.
May shata 22 ya shani hta mung, KIA Masat (8) Dap Dung ginra, Ga Leng Gumshem Myen Hpyen Dap kaw du nga ai Hk.L.Y (45) dap hte Dapnu (99) kata pawnghpwam hpyen n-gun (100) daram hpung ni hpe KIA Masat (39) hpyen hpung ni sa htim gap ai kawn gasat gala majan byin ai lam na chye lu ai.
