Nam Ba Chi hte Pa Ju lapran kaw gasat gala majan byin

Mungmyit Sinli Ga (Kachin Sub-state) KIA Masat (4) Dap Ba, Masat (8) Dap Dung ginra, Nam Ba Chi hte Pa Ju lapran kaw KIA Dap Dung (39) hpyen hpung ni hte Gumshem Myen hpyen hpung ni June shata 16 ya jahpawt 9:45am aten gasat gala majan byin ai lam chye lu ai.

Dapnu (99) kata na Gumshem Myen hpyen hpung ni Nam Ba Chi kawn shamu shamawt pru wa ai kaw KIA hpyen hpung ni hte ang katut gasat poi byin ai re lam, shawng lam lit nga ai salang ni kaw na chye lu ai.

KIA Masat (10) Dap Ba npu, Masat (17) Dap Dung ginra hta mung, Nam San Hka mahkrai kaw shara jahkrat nga ai Hk.M.Y (312) dap na hpyen n-gun (30) daram hpe June 14 ya shani 11:30am aten KIA Dap Dung (17) hpyen hpung ni sa htim gap ai lam nga ai.

KIA Masat (9) Dap Ba npu, Masat (6) Dap Dung ginra, Ginsi mare hte Nam Jan (3) lapran hta mung, Ginsi Dingnyin Kawng maga kawn yu wa ai Gumshem Myen hpyen hpung ni hpe June shata 15, 16 ya shani KIA Dap Dung (44) hpyen hpung ni hkap gap ai kawn gasat gala majan byin ai lam chye lu ai.