Gumshem Myen hpyen hpung ni laknak kaba hkrup mara gap

KIA Masat (9) Dap Ba, Masat (44) Dap Dung ginra, Nam Ya HK.M.Y (12) dap ni kawn Kum Tsai mare baw maga de July shata praw 4 ya shana maga 3:00pm aten hta 82mm (4) lang gap bun lam chye lu ai.

Shani 12:20pm aten hta mung Ka Maing Byuha Kawng kawn Gau Ri mare hpang Mu Gawng hka maga de laknak kaba gap bun ai lam nga ai.

KIA Masat (8) Dap Ba, Masat (5) Dap Dung ginra hta gaw, Ka Ta kawn lung wa ai Myen hpyen la htaw Mawdaw (3) hpung ni hpe KIA Dap Ba (8) hpyen hpung ni July shata praw 3 ya jahpawt 4:30am aten Supuk Kung hte Nam San lapran kaw hkap gap ai kawn gasat gala majan byin ai.

KIA Masat (10) Dap Dung ginra hta mung, July shata praw (3) ya shani 10:20pm aten Mali Yang hte Sum Pra Bum lapran kaw shara la nga ai Hk.L.Y (138) dap ni hpe Dap Dung (10) hpyen hpung ni sa gap gasat ai kawn gasat gala majan byin ai lam, shawng lam na lit nga ai salang ni kaw na chye lu ai.