KIA hte Gumshem Myen hpyen hpung ni gasat gala majan byin
KIA Masat (8) Dap Ba, Masat (5) Dap Dung ginra, Myo Hla grup yin kaw KIA hte Gumshem Myen Hpyen Dap ni July shata 10 ya jahpawt hkying 8:10am aten kaw nna laja lana gasat gala majan byin nga ai lam chye lu ai.
July shata (9) ya shana maga 2:50pm aten hta mung, KIA Masat (5) Dap Dung ginra, Chyawk Ji hte Myo Hla grup yin hta Myitkyina kawn rawt wa ai Gumshem Myen hpyen dap kawn Jet nbungli (4) hte bawm wa jahkrat bun ai lam nga ai.
Mungmyit Sinli Ga, KIA Masat (4) Dap Ba ginra, Nam Ba Chi mare kawn lagaw lam hte pru wa ai Gumshem Myen hpyen n-gun (100) daram hpung ni hpe KIA Dap Dung (39) hpyen hpung ni July shata (9) ya shani hkying 10:13am aten bawm hte hkap gap gasat ai lam, shawng lam na lit nga ai salang ni kaw na chye lu ai.
Ya aten Jinghpaw Mung hte Mungmyit Sinli Ga (Kachin Sub-state) ginra shara shagu de KIA hte Gumshem Myen Hpyen Dap ni shani shagu ngu na gasat gala majan byin nga ai lam chye lu ai.
