Myen hpyen htaw ai modo (13) hpe KIA ni hkap shingla gasat

Mungnyang Ginwang KIA Masat (8) Dap Ba, Masat (35) Dap Dung ginra, ထီးခ်ိဴင့္ kaw nna Gumshem Myen hpyen la htaw wa ai modo (13) hpung ni hpe, July shata 27 ya jahpawt hkying 7:40am aten hta Mawhan hte Namsi Awng lapran kaw KIA ni bawm hte hkap shingla gasat ai lam chye lu ai.

Gumshem Myen hpyen ni gaw, မွန္လုံ modo (8) hte modo kaji (5) yawng modo (13) KIA Masat (8) Dap Ba ginra de, hpyen shamu shamawt htu lung wa ai majaw, hkap shingla gasat ai re lam, shawng lam na lit nga ai salang ni kawn chye lu ai.

KIA Masat (3) Dap Ba, Masat (12) Dap Dung ginra hta shamu shamawt hkawm nga ai Gumshem Myen hpyen dap Hk.L.Y (40) dap na hpyen n gun (70) daram hpyen hpung ni hpe mung, July shata 27 ya shani ka-ang hkying 12:30pm aten hta KIA hpyen hpung ni Nam Ek kaw bawm hte shawng hkap kapaw bun ai hpang gasat poi byin ai lam chye lu ai.

Mungmyit Sinli Ga (Kachin-Sub-State), Munggu Ginwang KIA Masat (6) Dap Ba, Masat (36) Dap Dung ginra, Nawng Hpai mare ntsa kaw dai ni July shata 28 ya jahpawt hkying 10:00am aten daram kaw nna hkying 3:00pm aten daram du hkra Gumshem Myen hpyen dap Hk.L.Y (315) dap hte Kokang MNDAA hpyen hpung ni gasat poi byin nga ai lam, shawng lam shi sawk ni shana wa ai.

Ndai shara kaw sha, July shata 26 ya shani hta mung Kokang MNDAA ni hte Gumshem Myen hpyen dap ni, gasat poi byin ai re lam matut chye lu ai.