Miwa Mung de dut sha hkrum ai Wunpawng Num sha ( 1 ) hpe, Miwa Balik ni Mai Ja Yang de sa ap ya
Miwa Gumsan Mungdan Shi Lin de dut sha hkrum ai Wunpawng Num sha langai hpe Jang Hawng Miwa balik dap ni, May 11 ya shani Sinpraw Ginwang Ginjaw Mai Ja Yang Muklum
Balik rung de, sa ap ya ai lam na chye lu ai.
Dut sha hkrum ai shayi sha gaw asak 20 ning sha naw re. Shi a buga gaw Mali Dabak mare na rai nna, Myitkyina kaw hpyen yen yen na nga ai, tsang 10 lahkawng ning htai tim n Awng jawng bai matut lung na ja gumhpraw yak hkak ai majaw, Jang Hawng kaw bungli sa galaw nga ai shaloi shi nga lawm ai nta madu ni gaw, Shi Lin maga na La hpe matut ya kau dat ai, dai La wa gaw shi a nta kaw mung nwoi nga, masha ni a nta hkan gawk sha, woi shap rawng nna, num sha hpe nang laning mi shawa Num dap kaw bungli sa galaw ya u ngu tsun wa ai majaw, Num sha gaw nkam galaw ai ngu tsun jang, phone ni la kau ya adup zingri wa ai majaw, Balik rung de hprawng bang mat nna, dai kaw na Balik ni gaw, Jang Hawng Balik dap de bai sa ap nhtawm, Jang Hawng Balik ni kawn Mai Ja Yang de bai sa sa ap ya ai re lam, Mai Ja Yang Balik dap ni tsun ai kawn chye lu ai.
Ya aten dai Num sha gaw Sinpraw Ginwang Ginjaw Amyu Shayi ni a lata kaw du nga sai rai nna, Amyu shayi ni kawn shi a Kanu Kawa ni kaw du hkra wa sa ya na re lam, n dai Num sha gaw laiwa sai April 10 jan ya hta dut sha hkrum ai re lam mung na chye lu ai.
