KIA hte Myen hpyen hpung ni Dung ( 6 ) ginra hta gasat gala majan byin
Hpakant ginwang KIA Dap Ba ( 2 ), Dap Dung ( 6 ) ginra hta shamu shamawt nga ai Myen hpyen dap Hk.L.Y ( 254 ) na hpyen n-gun 60 daram hte Mungshawa Hpyen Hpung ( MHH )
kung ( 2 ) na hpyen hpung ni, May 17 ya jahpawt hkying 9:15am aten daram hta gasat majan byin ai lam na chye lu ai.
Gasat majan byin ai shara gaw, MHH Dung ( 2 ), hpyen hpung ni shara jahkrat nga ai Lahkra Hka mayan kaw rai nna, Myen hpyen hpung ni, shamu shamawt sa wa ai majaw, gasat majan byin ai re lam, shawnglam hpyen shisawk salang langai tsun ai kawn chye lu ai.
Shani ka-ang hkying 12:00pm aten hta mung, Myen hpyen ni, Hpakant maga laiwa laisa galaw nga ai Mungshawa ni hpe Mugawng lam Mile 8 kaw hkap jep jahkring nhtawm, shana maga hkying 3:50pm aten daram hta she bai shalai dat ai re lam, buga masha ni tsun ai kawn chye lu ai.
