KIA Dap Dung ( 6 ) ginra hta Myen hpyen hpung hte gasat gala majan matut byin

Hpakant ginwang KIA Dap Ba ( 2 ), Dap Dung ( 6 ) ginra hta shamu shamawt nga ai Myen hpyen hpung hte KIA hpyen hpung ni, May 19 ya shana daw hkying 2:30pm aten kawn

hkying 3:00pm aten laman gap hkat ai lam na chye lu ai

Myen hpyen dap Hk.L.Y ( 250 ) na hpyen hpung ni kawn KIA MHH Dung ( 1 ) hpyen hpung ni shara jahkrat nga ai Namhkum Sai maga de, shamu shamawt sa wa ai majaw, Lasi Hka zup kaw, MHH Kung ( 1 ) hpyen hpung ni hte ang katut gap hkat ai re lam, shawnglam hpyen shisawk salang langai tsun ai.

Myen hpyen dap ni gaw ya aten, KIA Dap Dung ( 6 ) ginra de hpyen man masum hku nna, shamu shamawt nga ai lam mung, salang wa matut tsun ai kawn chye lu ai.