KIA Dap Dung ( 14 ) ginra hta Myen hpyen hpung hte gasat majan byin

KIA Dap Ba ( 2 ), Dap Dung ( 14 ) ginra hta shamu shamawt nga ai Myen hpyen dap Dapnu ( 101 ) kata na hpyen hpung hte KIA hpyen hpung ni, May 20 ya jahpawt hkying 7:30am

aten kawn 8:00am aten du hkra gasat gala majan byin ai lam chye lu ai.

Gasat majan byin ai shara gaw, Sabaw maw a sinpraw maga rai nga ai Dung ( 14 ) ginra, moi na Nam Gumtsai mare dingsa Lasi Hka kaw ang katut gap hkat ai, tinang maga gaw hkala nba hkrum ai lam langai mung nnga ai, nga nna, dai ginra na hpyen shisawk salang langai tsun dan ai.

KIA Dap Ba ( 2 ) ginra hta Myen hpyen dap Dapnu ( 101 ) kata na hpyen hpung hte KIA hpyen hpung ni numdaw mi bai gasat gala majan byin wa ai gaw, May 17 ya shani kaw na hpang wa ai re hpe mung chye lu ai.