Sum Dun Bum kaw KIA hte Gumshem Myen hpyen ni gasat gala majan byin
KIA Masat (1) Dap Ba, Masat (4) Dap Dung ginra, Sum Dun Bum kaw November shata praw 7 ya jahpawt hkying 7:05am aten kawn hkying 8:15 aten du hkra, KIA hpyen hpung hte gumshem Myen hpyen dap ni gasat gala majan byin ai lam chye lu ai.
Gumshem Myen hpyen dap Hk.M.Y (389), Hk.L.Y (40) dap hte Pyi Tu Tsit pawng hpawm ni gaw, KIA hpyen hpung ni shara la nga ai Sum Dun Bum de htu shadut lung wa ai majaw gasat poi byin ai re lam, shawng lam na lit nga ai salang ni shana wa ai kaw na chye lu ai.
November shata praw 5 ya shani hta mung, KIA Masat (3) Dap Ba, Masat (12) Dap Dung ginra, Shwegu lam lahta (4) zup kaw gumshem Myen hpyen dap, Hk.M.Y (602) dap na hpyen hpung ni hte KIA hpyen hpung ni gasat gala majan byin ai re.
Ya aten gumshem Myen hpyen ni gaw, KIA ni dap jung shara jahkrat nga ai, Jinghpaw Mung hte Mungmyit Sinli Ga (Kachin Sup-state) ginra ni de, hpyen n gun law law htu shadut nga ding yang re lam, ginra shisawk ni tsun ai kaw na chye lu ai.
