Hpyen shamu shamawt hkawm ai gumshem Myen hpyen hpung ni hpe KIA ni hkap gasat

KIA Masat (2) Dap Ba, Masat (45) Dap Dung ginra, Danai mare de na hpyen shamu shamawt sa wa ai gumshem Myen hpyen hpung ni hpe December shata 11 ya shani hta KIA hpyen hpung ni Laja Bum hte Tarung lapran kaw hkap gap gasat ai lam chye lu ai.

KIA ni hkap gap gasat dat ai hpang, gumshem Myen hpyen ni gaw makau grup yin de sinat kaji kaba hte hkrup mara gap shadam bun ai lam nga ai re hpe chye lu ai.

Ya na zawn gumshem Myen hpyen dap ni sinat kaji kaba hte hkrup mara gap shadam ai majaw, December shata 10 ya shani hta mung gumshem Myen hpyen Hk.L.Y (86) dap ni gap dat ai sinat kaba si 2, Hkrinru Pa kaw na Lwi Dwi Sun langai kaw wa hkrat kapaw nna, mungmasha marai 3 hkala hkrum ai lam byin ai re.