Gumshem Myen Hpyen Dap ni woi awn galaw ai christmas poi hpe ninghkap ai lam pawm hpawm ndau laika shapraw
Photo; Fb
Myitkyina Shatapru manau wang hta, December shata 17 ya shani gumshem Myen hpyen dap ni woi awn galaw ai, christmas poi hpe Jinghpaw Wunpawng wuhpung manga kaw nna, December shata 21 ya shani pawm hpawm ninghkap ndau laika shapraw da ai hpe chye lu ai.
Pawm hpawm ndau laika shapraw da ai wuhpung ni gaw, Kachin State Civilian Movment, All Kachin Youths Union (AKYU), Kachin Literatural and Culturat Associatoin (Universities), ျမစ္ၾကီးနားတကၠသုိလ္ေက်ာင္းသားသမဂ္ဂ hte ကခ်င္စာေပႏွင့္ယဥ္ေက်းမူတကၠသုိလ္မ်ား (ျမစ္ၾကီးနား) ni rai nga ai.
Ndai shara gaw Jinghpaw Wunpawng Amyu sha ni sha n ga, Jinghpaw Mung hta nga ai amyu sha ni manu shadan let, n gun awai pyaw chyai ai shara re lam ndau laika hta tsun da ai.
Christmas poi hta shang lawm ai wuhpung wuhpawng hte myit su salang ni, mungchying mungshawa ni hpe n tara ai hku rim zingri sat nat ai gumshem hpyen dap ni hte pawng nhtawm, manau wang hta poi lamang galaw ai hpe Jinghpaw Wunpawng ramma wuhpung wuhpawng ni ninghkap ai hte Wunpawng mungdan kata nga ai Laili Laika hte Htunghkying hpung, lit nga ai mungshawa wuhpawng wuhpawng shagu gumshem Myen hpyen dap hte pawng nna, poi lamang ni hpe n galaw na matu, ndau laika hta hpyi shawn da ai lam chye lu ai.
