KIA hte Gumshem Myen hpyen dap ni gasat poi matut byin
KIA Masat (2) Dap Ba, Masat (14) Dap Dung ginra hta December shata 27 ya shani hkying 10:30am hte 11:30am aten laman, P.T.Ts (ျပည္သူ့့ ့စစ္) ningbaw Min Zin Tan woi awn ai hpyen hpung hte KIA hpyen hpung ni gasat gala majan byin ai re lam chye lu ai.
San Pya mare hte Lawt Ja sa wa ai lapran du nga ai, Gumshem Myen hpyen n gun (20) daram hpe Hu Gawng ginwang KIA hpyen hpung ni wa htim gap ai kaw nna, byin wa ai re lam chye lu ai.
Gasat poi byin ai hta Jahtu Zup mare RCM kyuhpyi bum kaw shara jahkrat nga ai, Hk.L.Y (297) dap hte P.T.Ts pawm hpawm dap ni kawn, Lawt Ja maga de 81mm (7) lang gap bun ai lam chye lu ai.
KIA Masat (9) Dap Ba, Masat (44) Dap Dung ginra, ျပြန္သုးံလုးံ kaw nga ai Hk.M.Y (383,384) dap ni kaw nna mung, ျပြန္သုးံလုးံ lup wa kawng maga de 82mm (10) lang hte sinat kaji (50) lang daram gap bun ai lam chye lu ai.
Mungmyit Sinli Ga, MNDA Dap Ba (511), Dap Dung (504) hpyen hpung ni pawng nna, December shata 26 ya shani hta mung, 105-Mile kawn, dap mying nchye ai tai n-gun (40) daram hte arung arai htaw hpyen modo (10), mung shawa modo (2) hpung ni hpe Nam Su kadawng kaw hkap gap ai lam chye lu ai.
