Lat Du Up Jum, Hpaula Awng Gam, Madu Yesu hta yup pyaw mat
Wunpawng Mungdan Shanglawt Hpyen Dap, Lat Du Up Jum, Hpaula Awng Gam asak 78 ning gaw 2021 ning, December shata 27 ya shani ka-ang hkying 12:27pm aten hta Munglai Hkyet tsi rung kaw mungkan ga na machyi makaw ana ahkya a majaw, Madu Yesu hta yup pyaw mat wa sai lam chye lu ai.
Du Kaba Hpaula Awng Gam gaw, 1963 ning kaw nna Wunpawng Mungdan Shanglawt Hpyendap hta magam gun hpai wa ai rai nna, Shanglawt Masa Gat Hkai Dap Matsun Du lit hpe gun hpai let, 2015 ning hta KIO magam gun ladaw 50 ning hpring shagrau sha-a ai hpe mung hkamla lu sai re.
Du Kaba gaw Wunpawng Mungdan Shanglawt Rawt Malan yu-ngwi mahkawn hte amyusha mahkawn law law hpe ka shalat lai wa sai Yu-ngwi Shagan mung rai nga ai
Hkum tsawp moi mang hpe dai ni December shata 28, bat hpang 2 ya jahpawt hkying 10:00am aten hta Munglai Hkyet dum nta kaw akyu hpyi hpawng galaw nhtawm, makoi mayang sai lam chye lu ai.
