Gumshem Myen Palik ni sinat hkrup mara gap ai majaw, (7) ning re ma asak si sum

Myitkyina, Lekung hta Febuary shata praw (1) ya jahpawt hkying 6:00am aten daram, Gumshem Myen balik dap kaw bawm kapaw wa nna, balik dap ni kawn, sinat hkrum mara gap ai majaw, shadang sha (7) ning re mung mare masha asak si sum mat ai lam chye lu ai.

Asak si sum mat ai shadang sha gaw yup gawk kata galeng nga ai shaloi, shakum hku pala hkren wa nna, kan kaw gap hkra mat ai majaw, dai shara kaw nan asak si sum mat ai re lam chye lu ai.

Si sum mat ai shadang sha a hkum tsawp moi mang hpe mare lawk salang hte palik dap ni kaw nna, tsi rung de woi mat wa nhtawm, shanhte a pala rai nrai wa jep yu na nga woi mat wa ai re lam chye lu ai.

Gumshem Myen hpyen dap ni mungdan a daru magam ahkang aya hpe zing madu la ai laning mi rai sai rai nna, Myitkyina muklum kata hta ndai laman, mung mare masha ni hpe jep joi ai lam ni galaw nhtawm, sinat gap ai lam ni mung galaw ai lam chye lu ai.

Photo, fb