Gumshem Myen hpyen dap hpe KIA ni sa htim gap zing
KIA Masat (1) Dap Ba, Masat (7) Dap Dung ginra, Sumpyi Yang mare lahta kaw dap jung shara la nga ai, gumshem Myen hpyen dap hpe KIA hte PDF pawng hpawm hpyen hpung ni, February shata praw 1 ya jahpawt hkying 10:30am aten hta sa htim gap gasat ai lam chye lu ai.
Shani hkying 11:40am aten hta hpyen dap hpe gasat zing kau nhtawm, hpyen lang arung arai ni hpe mung zing la lu ai re hte nta ginsum ni hpe wan nat jahten kau ai rai nna, Shipkap Bum kaw dap jung nga ai gumshem Myen hpyen dap hpe mung, aten langai hta sha gasat ai re lam chye lu ai.
Gasat poi byin ai majaw, Sumpyi Yang mare masha ni mare shinggan de gan koi yen ai lam nga ai rai nna, mare masha ni hta hkala nba nbyin ai lam, ginra shiga lawk kaw na chye lu ai.
Mungmyit Sinli Ga (Kachin Sub-state) KIA Masat (6) Dap Ba, Masat (9) Dap Dung ginra hta mung, Kuthkai Byuha Kawng kaw nga ai gumshem Myen hpyen ni hpe KIA ni sa htim gap ai hpang, gumshem Myen hpyen ni mungmare masha ni nga ai de laknak kaba gap bun ai majaw, Kuthkai lawk (1) na asak 38 ning re ai, amyu shayi langai pala hkyep hkra hkala nna, tsi rung kaw tsi tsi hkam la nga ai lam, buga masha ni kaw na chye lu ai.
