Gumshem Myen hpyen dap ni Jet Fighter nbung li hte bawm wa jahkrat

KIA Masat (2) Dap Ba, Masat (14) Dap Dung hpyen dap hte Wa Hka Maw Post shara lahkawng kaw February shata 26 ya jahpawt manap hkying 2:00am aten daram hta gumshem Myen hpyen dap ni, Jet Fighter nbung li (1) hte bawm wa jahkrat bun ai lam chye lu ai.

Bawm wa jahkrat bun ai hta hpyen la ni kaw hkala nba nnga ai sha n-ga, mungshawa ni kaw mung hpa nbyin ai lam chye lu ai.

KIA Masat (1) Dap Ba, Masat (7) Dap Dung ginra hta mung, February shata 22 ya jahpawt hkying 10:30am aten daram hta Shingkap Bum mayan hta gumshem Myen hpyen ni Jet Fighter nbungli 2 hta bawm wa jahkrat wa htim gap ai lam nga ai re.