Gumshem Myen hpyen dap a Sanghpaw hpe KIA ni hkap gap
KIA Masat (8) Dap Ba, Masat 5 Dap Dung ginra hta Gumshem Myen hpyen dap ni a Sanghpaw hpe March shata 17 ya shani hkying 1:25pm aten KIA ni hkap gap ai lam chye lu ai.
Gumshem Myen hpyen dap ni a Sanghpaw gaw hkying 7:40am aten, Mudale kawn rawt lung wa ai arung arai htaw ai Sanghpaw kaba 2 rai nna, Chauk Talung hte Shwe Bungta lapran kaw Masat 5 Dap Dung na KIA hpyen hpung ni hkap gap ai lam chye lu ai.
KIA Masat (9) Dap Ba, Masat (44) ginra hta mung Kayin Myai kaw dap jung nga ai Hk.M.Y (384) gumshem Myen hpyen dap ni kaw nna, KIA ni nga ai Maru Bum maga de laknak kaba 82mm hte (3) lang gap bun ai lam nga ai.
KIA Masat (1) Dap Nawng Daju ginra ni hta March shata laman majan byin nga ai hte KIA Dap Ba, Dap Dung ginra shagu ngu na daram gasat gala majan byin nga ai hpe chye lu ai.
