Tara hkaw sara magam gun (50) ning hpring ja jubilee poi shagrau lamang galaw
Saranum Kaba Maria Nhkum Ja Mai a tara hkaw sara magam gun (50) ning hpring ja jubilee poi shagrau lamang hpe April shata 18 ya shani hkying 7:00am aten Laiza Muklum, Hkristu hkaw hkam nawku jawng hta gala la lu sai.
Hkying 7:00am aten hta saranum kaba Maria Nhkum Ja Mai a missa hkungga nawng jau ai lam galaw nna, hkying 10:00am aten kawn ja jubilee poi shagrau hpawng hpe galaw ai.
Shagrau ai hpawng lamang hta Wa Saradaw kaw nna, shagrau lakmat hte Ja Dakhkama jaw ai, Laiza Jau Gingwang hku nna gaw Jubilee lata chyawp hte shagrau kumhpa jaw nhtawm, Manmaw Saradaw Ginwang tara hkaw sara komiti hku nna mung laksan kumhpa shagrau ya ai rai nna, Nta masha ni kaw nna shagrau kumhpa jaw ai hte hpung shawa ni hku nna shagrau kumhpa jaw ai lam ni hpe galaw la lu sai re.
Saranum kaba Maria Nhkum Ja Mai gaw, 1971 ning May shata hta Tang Hpre Chyum Jawng hta Chyum Jawng lung la let, tara hkaw sara magam gun hpai hpang wa ai rai nna, 1999 ning December shata 25 ya shani magam gun ladaw shaning (25) ning hpring gumhpraw jubilee poi kaba hpe mung galaw la lu sai lam chye lu ai.
Saranum kaba a tara hkaw sara magam gun (50) ning hpring ja jubilee poi shagrau hpawng hpe Wa Saradaw, Wa Jau, Mama ni hte nawku hpung shawa law law sa du shang lawm ai hte galaw la lu sai lam chye lu ai.
