Gumshem Myen hpyen dap hte KIA ni gasat gala majan matut byin

KIA Masat (1) Dap Ba, Masat (10) Dap Dung ginra hta May shata 17 ya shani hkying 1:40pm aten, Hka garan kaw nna lung wa ai shim lam la gumshem Myen hpyen dap ni hpe Mai Htawng mare lahta kaw KIA hpyen hpung ni hkap gap ai kaw nna, gasat gala majan byin wa ai re lam chye lu ai.

KIA Masat (4) Dap Ba, Masat (34) Dap Dung rai nga ai Kung (2) ginra hta mung May shata 17 ya shani hkying 1:30pm aten laman gumshem Myen hpyen dap ni dap jung nga ai Jang Gang post hpe KIA hpyen hpung ni sa htim gap ai kawn gasat gala majan byin wa ai re lam chye lu ai.

Masat (44) Dap Dung ginra hta mung May shata 17 ya shani hkying 10:00am aten Nam Sheng Bum kaw dap jung nga ai Hk.M.Y (12) dap ni kawn Nam Sheng Bum lagaw maga hkam tawn ai bawm ngoi wa ai majaw, sinat kaji hkrup mara gap shadam ai lam nga ai hpe chye lu ai.