Gumshem Myen hpyen ni hte KIA ni gasat gala majan byin

KIA Masat 9, Dap Ba, Masat 6 Dap Dung ginra, Maw Mung kaw May shata 23 ya jahpawt hkying 7:10am hta gumshem Myen hpyen ni hte KIA ni gasat gala majan byin ai lam na chye lu ai.

Gumshem Myen hpyen dap, Dapnu 33 kata na n gun 200 jan re ai hpyen hpung ni gaw, Gwi Hka maga de na shamu shamawt sa wa ai hpe KIA ni bawm hte hkap shingla gasat dat ai lam chye lu ai.

Bawm hte gasat hkrum gumshem Myen hpyen hpung ni gaw, ya aten Maw Mung kaw shara jahkrat nga ai hta makau grup yin shara ni de laknak kaji kaba hkrup mara gap bun nga ai lam chye lu ai.

Hpakant Gwi Hka Maw maga de, gumshem Myen hpyen ni numdaw mi bai shamu shamawt chyinglau hkawm wa ai majaw, May shata 20 ya shani kaw nna shani shagu ngu na KIA hte gasat gala majan bai byin nga ai re hpe mung chye lu ai.