IEd jawngma mying jahpan hkap la sa wa na

Mai Ja Yang Muklum kaw hpaw sharin nga ai Institute Of Education (IEd) jawng a 2022-2023 ning hpaji ladaw hta jawng lung na jawngma ni hpe mying jahpan hkap la nga sai lam chye lu ai.

Jawngma nnan ni a mying jahpan hpe June shata (10) ya kaw nna July shata (15) ya shani du hkra hkap la nga ai, IEd jawng kaw nna PC hte Dip 1^st year ngut da let, jawng bai matut lung na jawngma ni hpe July 25 ya kawn 30 ya laman mying jahpan hpe hkap la na re lam chye lu ai.

IEd jawng hta PC English 1 year program, Pc Chinese 1 year program, Diploma ni Education 2 program, Diploma ni TESOL 2 year program, Diploma ni Teaching Chinese Language 2.5 year program hte Certificate ni Teaching training 5 Month program ni hpe sharin ya nga ai.

IEd jawng hpe 1997 ning hta sara hpaji sharin jawng TTS ngu nna hpaw sharin nga ai hta 2008-2009 ning kaw TTC sara hpaji hkawlik ngu ninggam shatsaw sharin ya nga ai kaw nna, 2014-2015 ning hta Institute Of Education (IEd) ngu nna dakkasu madang ninggam shatsaw sharin ya nga ai lam chye lu ai.