KIA Masat 36 Dap Dung ginra hta gumshem Myen hpyen ni hte KIA ni gasat gala majan byin
Mungmyit Sinli Ga (Kachin Sub-state), KIA Masat 6 Dap Ba, Masat 36 Dap Dung ginra hta shamu shamawt hkawm ai gumshem Myen hpyen ni hte KIA ni June shata praw 1 ya shani hkying 10:48am aten kaw na hkying 11:40am aten laman Namhkawng Bum mayan kaw gasat gala majan byin ai lam chye lu ai.
“Myen hpyen dap Hk.M.Y 420 ni rai ma ai, n gun gaw 70 daram re ngu maram ai. Majan byin ai shara gaw, Namhkawng Bum Mai Bau Kawng kaw re” nga nna shawng lam na lit nga ai salang langai tsun dan ai.
Myen hpyen ni nhtang mat ai lam sha nnga yang gaw, gasat poi matut nna naw byin wa na re lam, salang wa tsun ai.
Gasat gala majan byin ai shara de mile 105 kaw nga ai gumshem Myen hpyen ni laknak kaba 105mm hte 6 lang gap bun ai lam chye lu ai.
May shata 31 ya shani hta mung, dai ni gasat poi byin ai Namhkawng Bum mayan kaw ndai gumshem Myen hpyen ni hte sha gasat gala byin ai lam chye lu ai.
