KIA Masat (3) Dap Dung ginra kaw gasat gala majan byin ai hta gumshem Myen hpyen ni helicopter nbungli (2) hte wa gap

KIA Masat (5) Dap Ba, Masat (3) Dap Dung ginra, Nang Zaw Yang kaw July shata 11 ya shani 11:00am aten hta gumshem Myen hpyen dap hte Pyi Tu Tsit pawng hpawm hpyen hpung ni hte KIA ni gasat gala majan byin ai lam chye lu ai.

Gasat gala majan byin ai shara de, gumshem Myen hpyen ni helicopter nbungli (2) hte numdaw lahkawng lang wa gap gasat ai lam, shawnglam shi sawk ni tsun ai.

Waimaw kaw dap jung ai gumshem Myen hpyen dap, Hk.L.Y 58 dap kaw na mung, gasat gala byin ai shara de laknak kaba hte gap bun ai lam, ginra masha ni tsun ai.

KIA Masat (3) Dap Dung ginra de, gumshem Myen hpyen dap hte Pyi Tu Tsit pawng hpawm hpyen hpung ni htu shadut lung wa ai majaw, July shata praw10 ya shana maga hkying 5:00pm aten hta mung, gasat gala majan byin ai lam chye lu ai.