Sezin mare makau kaw gumshem Myen hpyen ni hte KIA ni laja lana gasat gala majan byin

KIA Masat (9) Dap Ba, Masat (26) Dap Dung ginra de hpyen shamu shamawt shang wa ai gumshem Myen hpyen dap, Hk.L.Y (42), Hk.L.Y (76) pawng hpawm hpyen hpung ni hte KIA ni July shata 17 ya jahpawt hkying 5:00am aten kaw nna, Sezin mare makau kaw laja lana gasat poi byin ai lam chye lu ai.

Gasat poi byin ai shara hta gumshem Myen hpyen maga na si hkala law ai majaw, Myitkyina maga de na gumshem Myen hpyen ni a Jet nbungli (2) hte Sezin mare makau grup yin shara ni hta numdaw lahkawng lang bawm wa jahkrat bun ai lam chye lu ai.

July shata 16 ya shani hta sha, KIA Masat (9) Dap Ba, Masat (26) Dap Dung ginra, Chyauk Pung mare makau kaw gumshem Myen hpyen dap, Hk.L.Y (42) dap na hpyen n gun 40 daram hpung ni hte KIA hpyen hpung ni gasat poi byin ai re.

Ndai laman hta gumshem Myen hpyen dap ni KIA ni nga ai ginra de hpyen shamu shamawt tawt lai shang wa ai majaw, shani shagu ngu na gasat gala majan byin nga ai hpe mung chye lu ai.