KIA Dap Ba ( 3 ) Dap Dung ( 1 ) ginra, Man Yawt Ting Ling shagyit ( Gate ) kaw sin ai, Myen hpyen dap Hk.M.Y ( 319 ) na hpyenla hte Balik ni, June 12 ya shani Man Maw hte Man Je lapran laiwa laisa mungshawa ni hpe laja lana sawk jep nga ai lam na chye lu ai.
Phone kata kaw KIA hte seng ai sumla mu ai ni hpe laksan sawk jep ai lam, buga masha ni shana wa ai kawn chye lu ai.
Sin Lum Bum Gate kaw nga ai Myen hpyenla ni mung, laiwa laisa mungshawa ni hpe shawoi na hta grau sawk jep nga ai lam chye lu ai.
Hpakant lam Lawa Gate kaw nga ai Myen hpyenla hte Sam Hkyeng P.T.Ts ni mung, laiwa laisa mungmasha ni hpe sawk jep nga ai lam, dai ginra na masha ni kawn chye lu ai.
