KIA Masat (27) Dap Dung hte Masat (36) Dap Dung ginra hta gasat gala byin
KIA Masat (3) Dap Ba, Masat (27) Dap Dung ginra hta October shata praw 2 ya shana maga hkying 5:18pm aten hta Nam Hpu mare mayan kaw shamu shamawt hkawm nga ai gumshem Myen hpyen dap ni hte KIA ni Nam Hpu mare makau Tsan Lun kaw gasat gala byin ai re lam lit nga ai Salang ni kaw na chye lu ai.
Dai gumshem Myen hpyen hpung ni gaw Hk. L.Y (47, 223) dap na pawng hpawm hpyen hpung ni rai nhtawm, hpyen n-gun (80) daram re lam chye lu ai.
KIA Masat (6) Dap Ba, Masat (36) Dap Dung ginra hta mung October shata praw 2 ya jahpawt hkying 8:30am aten, Mung Baw Gat Pa ntsa Pyi Tu Tsit kawng kawn lagaw lam hte pru wa ai gumshem Myen hpyen dap hte KIA ni gasat gala majan byin ai lam chye lu ai.
Gumshem Myen hpyen dap Hk.M.Y (420) dap na hpyen n-gun (40) daram hte mung KIA ni Man Nawng Kawng ntsa kaw gasat gala byin ai lam chye lu ai.
KIA ni shara jahkrat nga ai Dap Ba, Dap Dung ginra ni hta September shata kaw nna, gasat gala majan matut manoi ngu na daram byin nga ai re lam chye lu ai.
