Loi Seng Bum kaw gumshem Myen hpyen dap hte KIA ni gasat gala majan byin
Mungmyit Sinli Ga (Kachin sub-state), KIA Masat (4) Dap Ba, Masat (34) Dap Dung ginra, Mandung maga na shamu shamawt pru wa ai gumshem Myen hpyen dap, Dapnu (Tatma- 101) kata na hpyen hpung ni hte KIA ni, October shata praw 3 ya jahpawt hkying 9:30am aten hta Loi Seng Bum kaw gasat gala majan byin ai lam chye lu ai.
Gasat poi byin ngut ai hpang gumshem Myen hpyen dap ni shanhte hkrai sinat kaji kaba hte hkying 10:20am aten du hkra n htang gap shangoi taw ai lam, shawng lam shi sawk ni kawn chye lu ai.
September shata 29 ya shani hta mung, KIA Masat (34) hpyen hpung ni hte Mandung kaw dap jung ai gumshem Myen hpyen Hk.L.Y (130) dap hte gasat gala majan byin ai lam nga sai re.
Shana maga hkying 2:00pm aten daram hta gaw, Mandung Myen Balik Dap hpe KIA ni sa htim gap gasat nhtawm, hpyen dap hpe wan nat jahten kau ya ai lam chye lu ai.
