( 1 ) lang na jarit mayan Hpung magam gun ni a hkrumtsup kanawn mazum hpawng galaw
Miwa Gumsan Mungdan Mangshi Ginwang Sishan buga, Bangbut mare nawku jawng kaw ( 1 ) lang na jarit mayan Hkalup Hpung magam gun ni a hkrumzup kanawn mazum hpawng hpe June 19-20 lahkawng ya galaw na re lam, Mangshi Ginwang Ramma hpa-awn langai hku nna shanglawm ai shadang Tsap Mung Lawt shana wa ai kawn chye lu ai.
Hkrumzup hpawng a yaw shada lam hpe, Mangshi Ginwang Amu Madu Sara Lahpai Lating kaw nna tsun ai hta “ Magam gun ni Karai magam hpe grau n-gun shaja let, shada hpaji jaw sa wa na matu hte Karai a magam hpe grau shakut shaja sa wa na matu” re lam chye lu ai.
Zuphpawng hta Mangshi ginwang, Ruili ginwang, Lung Chuan ginwang, Mungmau ginwang na magam gun ni marai ( 100 ) daram sa du shanglawm ai lam chye lu ai.
