Gumshem Myen hpyen dap ni, laknak kaba hkrup mara gap shadam ai majaw, Chyum Jawngma marai (4) hkala hkrum

Mungmyit Sinli Ga (Kachin Sub-state), Kutkai kaw dap jung ai gumshem Myen hpyen Myok dap ni laknak kaba hkrum mara gap shadam ai majaw, November shata praw 3 ya shana hkying 8:30pm aten hta Kutkai Chyum Jawng (KTC- Kutkai) Wang La Ginra kaw langai wa hkrat kapaw nna, Chyum Jawngma marai 4 hkra hkala ai lam, buga masha ni tsun ai kaw na chye lu ai.

Hkala hkrum ai ni gaw, Myitung Doi La asak 24 ning (Lagaw kaw hkra), Ndau Awng San asak 27 ning, (Du hte shingma kaw hkra), Nhkum Sut Ring Awng asak 21 ning (Na labying kaw hkra), Sumlut Brang San asak 22 ning, lagaw kaw hkra ai sha n ga, nta shakum hte palawng hkan mung pala hkrep hkra ai lam chye lu ai.

Machyi hkrum ai ni hpe ya aten Kutkai tsi rung kaw tsi tsi hkamla nga ai rai nna, marai langai gaw loi sawng ai lam, ginra masha ni tsun ai.