Senghpra mare na mungmasha asak 60 ning daram re salang langai hpe Myen hpyen hpung ni rim woi mat

Ka-Maing ginwang daw, Kapmaw ninghtawn Senghpra mare kaw nga ai salang Hpukjung Lum Ze asak 60 ning daram re hpe, June 19 ya shani hkying 10:30am aten daram hta Myen hpyen hpung ni rim woi mat ai lam na chye lu ai.

Rim woi mat ai mabyin gaw, dai salang wa hkauna pa kaw hkauna htu nga yang, Nam Ya mare kaw nga ai Myen hpyen hpung ni sa rim woi mat ai re. Hpa hte seng nna rim woi mat ai lam nchye ai, dai ni du hkra Nta de ndu wa shi ai majaw dum Nta masha ni myit tsang nga ai lam, buga na salang langai shana wa ai kawn chye lu ai.