Gumshem Myen hpyen modo (20) hpung ni hpe KIA, PDF pawng hpawm hpyen hpung ni gap hkap gasat

Mungmyit Sinli Ga (Kachin Sub-state), KIA Masat (6) Dap Ba, Masat (9) Dap Dung ginra, Nam Hpalun Bum hte Hpahkyip mare lapran kaw, December shata 14 ya shana maga hkying 4:00pm aten hta gumshem Myen hpyen modo (20) hpung ni hpe KIA hte PDF pawng hpawm hpyen hpung ni bawm hte hkap hkap gasat ai lam chye lu ai.

Gumshem Myen hpyen modo hpung ni gaw, Namhkai hka mahkrai gumshem Myen hpyen dap kaw na pru wa ai modo (20) hta hpyenla hte hpyen lang arung arai, malu masha htaw nna lung wa ai hpe KIA, PDF ni bawm hte hkap gap gasat dat ai re lam, shawng lam na lit nga ai salang ni shana wa ai kaw na chye lu ai.

KIA Masat 5 Dap Ba, Masat 18 Dap Dung ginra, Hpunbyen Bum gumshem Myen hpyen dap de, dai ni December shata 16 ya shani Manmaw maga kawn hpyen modo 12 hte hpyen lang arung rai malu masha ni wa htaw sa da sai lam, ginra shisawk ni kaw na chye lu ai.