Yup tung jahpan hkan hta na matu, gumshem Myen hpyen ni galaw nga

Gumshem Myen hpyen ni kaw nna, bai du wa na shaning 2023 ning hta htinggaw yup tung jahpan bai hkan hta na matu, bungli galaw hpang nga ai lam chye lu ai.

January shata praw 9 ya shani kaw nna, 24 ya shani du hkra htinggaw yup tung jahpan hpe sara shagu hkan hta sa wa na re lam shawnglam shi sawk ni kaw na chye lu ai.

Htinggaw yup tung jahpan hkan hta na matu, December shata 27, 28 ya shani gumshem Myen hpyen kaw nna, mare lawk salang ni hpe shaga la rai nhtawm, zuphpawng woi hpawng let, galaw lai wa sai hpe mung chye lu ai.

Ndai zawn galaw sa wa na lam hpe gumshem Myen hpyen ni kaw nna, shinggan de tsun shabra, online ntsa mara ai lam n galaw na hte gadai hpe mung nmai tsun dan, nmai shabrawng ai nga nna, mare lawk salang ni hpe htet dat ai re lam chye lu ai.

Gumshem Myen hpyen kaw nna, ya na zawn htinggaw yup tup jahpan kalang bai hkan hta ai lam gaw, ginra shara mi kaw sha galaw sa wa ai hku nre ai sha, Myen mungdan kata myu, mare shara shagu galaw sa wa na re lam chye lu ai.