Putao na mungmasha marai ( 48 ) Manmaw hkyuk htawng kaw na lawt pru wa
Laiwa sai 2016 ning October 11 ya shani Loi Je lam Sinlum shagyit ( Gate ) kaw rim hkrum nna, Manmaw hkyuk htawng hta sharen da hkrum ai Putao na mungmasha marai ( 49 ) na marai ( 48 ) gaw, June 21 ya shani Manmaw hkyuk htawng na lawt pru wa sai lam na chye lu
Lawt pru wa ai ramma marai ( 48 ) hpe Manmaw buga hpung ni hkaptau hkalum la ai hte buhpun palawng galai ya akyu ni hpyi ya ai lam, buga masha ni kawn chye lu ai.
Ngam ai marai ( 1 ) salang Mahpang Brang Shawng gaw, Hk.L.Y ( 46 ) dap na dap hprawng re majaw, Myen hpyen dap kawn တမအ ၇၁ / ၇၂ hte tara jawat nna htawng dam ( 7 ) ning jahkrat kau dat sai lam chye lu ai.
Ndai mungmasha ni gaw, Laiza Muklum de ka-ni nanghpam pat jasan ningmu jahpaw hpawng sa nna, bai nhtang wa ai kaw rim hkrum ai ni rai ma ai. Ndai ni hpe ပုဒ္မ ၁၇ / ၁ hte rim da ai raitim, mara nnga ai majaw lawt pru wa lu ai re lam chye lu ai.
Ndai mungmasha ni hpe lit la nna, sa dat ai Slg. Lawaw Bawk Naw hte Slg. Ngwa Yaw Tah yan hpe mung, Putao kaw bai rim la nna ပုဒ္မ ၁၇ / ၁ hte tara jawat da nna Mamaw Myo Ney tara rung kaw matut san jep nga ai lam na chye lu ai.
