Lung Seng htu ai lam, Jak sau hte seng nna KIA ni ndau laika shapraw
KIA Masat (2), (9) Dap Ba ginra ni hta lung seng htu shaw ai lam hte jak sau tawn da ai lam ni hte seng nna, KIA ni ndau laika shapraw tawn da ai lam nga ai re.
Masat (2) Dap Ba, Masat (14) Dap Dung ginra rai nga ai, Hugawng Ginwang, Jahtu Zup mare makau hkan na jak sau tawn da ai shara ni kaw January shata 11 ya shani du hkra sha tawn da mai ai lam, Masat (14) Dap Dung ni ndau laika shapraw da ai kaw na chye lu ai.
Shanhte masat da ai nhtoi hta lai na jak sau ni hpe naw tawn da ai kadai a jak sau seng hpe raitim, ja ja ahkyak la sa wa mat na re lam ndau da ai re.
Matut nna mung Masat (9) Dap Ba, Masat (6) Dap Dung ginra, Hpakant Ginwang kata lung seng htu shaw nga ai maw ni yawng, lung seng bawm kapaw htu shaw ai lam hpe shana hkying 11:00pm aten kaw na jahpawt hkying 1:00pm aten laman du hkra sha htu shaw lu na lam, Masat (6) Dap Dung ni ndau laika shapraw da ai kaw na chye lu ai re.
Ndai lam hte seng nna ndau laika shapraw da ai shani kawn, hkan sa ai lam nnga ai kadai bungli madu a lung seng maw hpe raitim, ja ja ahkyak la sa wa na lam ndau da ai re.
