MMA ginsup lamang hta Brazil Mungdan masha Gioberto Galvao hpe Nsang Aung La htwi dang la
Thai Mungdan Bangkok IMPACT ARENA kaw galaw ai One Figth Night 6! MMA ginsup lamang hta Brazil Mungdan masha Gilberto Galvao hpe round 1 hta Nsang Aung La htwi kadawng dangla lu sai re.
Nsang Aung La hte Galvao yan gaw dai hpawt na ginsup lamang hta catch weight 215 pawng, minute 5 round 3 ginsup ra na hpe round 1 kaw htwi kadawng dang la sai.
Ndai ginsup lamang hpe dai ni bat hpang kru ya, January shata 14 ya jahpawt Thai mung aten hkying 8:00am aten kaw nna, htawng ginsup shingjawng hpang nga sai rai nga ai.
One champion kaw nna gaw, Nsang Aung La hte Miwa Mungdan masha MMA ginsup ninghkring Fan Rong htawng ginsup shingjawng na matu galaw da ai raitim, Fan Rong gaw COVID-19 ana zinli byin ai majaw, ya na Galvao hte bai htawng ginsup mat ai lam chye lu ai.
Lai wa sai 2022 ning November shata hta mung, Japan Mungdan masha Yushin Okami hte htawng ginsup ai hta Nsang Aung La dang da lu ai rai nna, Middleweight shingkyit hte Light Heavyweight shingkyit lahkawng yan hpe tat sum hkrum ai rai nga ai.
2023 ning hta shawng ningnan lang ginsup dang sai hta ya matut nna mung shaning ka-awng garai ndu yang bai ginsup na matu hpang na bat kawn shaman shakyang lam hpe galaw sa wa na re hte champion shingkyit lu na matu nyi wa sai, grai mung shakut ra ai yawng hkra akyu hpyi garum marit akyu hpyi ai lam gaw ngai na matu grai ahkyak ai nga nna, BBC shiga dap ni san htai galaw da ai kaw na chye lu ai.
