Gumshem Myen hpyen dap Hk.L.Y (21) laknak kaba gap bun hkrum

Myitkyina, gumshem Myen hpyen dap Hk.L.Y (21) dap hpe January shata 21 ya jahpawt hkying 5:40am aten daram hta laknak kaba hte sa gap bun ai lam chye lu ai.

Dai gumshem Myen hpyen dap ni gaw shawng lam de dap masha galai na matu, hkyen lajang nga ai shaloi, laknak kaba hte sa gap bun ai rai nna, masha si hkala ai lam ni nga ai re hpe chye lu ai.

Ya na zawn laknak kaba gap bun hkrum ai a majaw, Myitkyina myu mare kata modo, cycle ni hpe laja lana jep joi nga ai re hpe chye lu ai.

Matut nna mung Njang Dung lawk ရုပ်တုအဝိုင်းပတ် kaw dai hpawt grai jau kaw na laiwa laisa mung shawa ni hpe, mungchying masat jep ai lam ni galaw nga ai hpe chye lu ai.