(1) lang na Kachin State Comprehensive Universiry (KSCU) janmau shagrau hpawng galaw
(1) lang na Kachin State Comprehensive Universiry (KSCU janmau shagrau hpawng hpe February shata 25 ya jahpawt hkying 10:00Am aten, Sinpraw Majoi Gawknu kaw galaw la lu sai re lam chye lu ai.
Hpawng hta NUG Asuya a Hpaji Du Dr. Zaw Wai Soe hte NUG Hpaji Dap a Ningtau Hpaji Du Srn. Ja Htoi Pan ni kawn hpawng hpaw mungga tsun ai. Jawng yu laikmat hpe Ningbaw Malai Du Kaba Sumlut Gun Maw kaw nna, shagrau ai lam galaw ai.
Dai ni janmau shagrau hkam la ai jawngma yawng 64 rai nna, sumtsan hku la ai jawngma langai hte rai yang, jawngma yawng 65 re. (1) lang na Kachin State Comprehensive Universiry (KSCU) jawng yu laikmat hpe hkam la lu sai hte jawngma kanu kawa ni, laksan saw shaga da ai kanu kawa myutsu salang ni mung sa du shang lawm ai.
Kachin State Comprehensive Universiry (KSCU) hpe National Unity Government (NUG) ni kaw nna, woi awn galaw ai rai nhtawm, 2022 ning September shata kaw nna, November shata du hkra laika hpe sharin ai lam chye lu ai.
