KIA Dap Dung ( 14 ) hpyen hpung hte Myen hpyen hpung ni gasat majan byin

KIA Dap Ba ( 2 ), Dap Dung ( 14 ) ginra hta shamu shamawt nga ai, Myen hpyen dap, Dapnu ( 101 ) kata na hpyen hpung hte KIA hpyen hpung ni, June 27 ya shani ka-ang hkying 12:45pm aten daram hta N-ga Ga mare baw kaw gasat gala majan byin ai lam chye lu ai.

Myen hpyen ni n-gun ( 100 ) jan, KIA hpyen hpung ni nga ai shara de, htu shadut lung wa ai majaw gasat majan byin ai re lam, Mai Sak post kaw dung ai Myen hpyen ni mung, sinat kaba hte gap bun ai lam, shawnglam hpyen shisawk salang langai shana wa ai.