KIA Masat (1) Dap Ba hta gasat gala majan byin
KIA Masat (1) Dap Ba ginra hta gumshem Myen hpyen Hk. M. Y (321) dap ni hte KIA ni March shata 12 ya shani hkying 9:50am aten daram hta gasat gala majan byin ai re lam chye lu ai.
Dai gumshem Myen hpyen hpung ni gaw, Sumpra Bum kaw nna yu wa ai, hpyen n-gun (80) daram lawm ai hpung ni rai nna, Nta Galu lawu kaw KIA ni hkap gap ai kawn gasat gala byin wa ai re lam, lit nga ai salang ni kaw na chye lu ai.
Matut nna, Tsup Hka mare kawn Sumpra Bum lam de lai lung wa ai Hk. M. Y (385) hte Hk. L. Y (58) pawng hpawm hpyen n-gun (100) daram hpe March shata 11 ya shani Mile (65-66) lapran kaw, KIA ni hkap gap ai majaw, gasat gala byin ai re lam chye lu ai.
KIA Masat (9) Dap Ba ginra hta mung, Yu Ma mare mayan kaw lai lung wa ai, Balik, P. T. Ts (S. N. A) pawm hpawm hpyen n-gun (15) daram lawm ai modo (2) hte cycle (2) hpe KIA pawm hpawm hpyen hpung ni bawm hkap adem bun ai hta tai hpyen ni si hkala law ai lam chye lu ai.
