Gumshem Myen hpyen dap hte KIA ni gasat gala majan byin

KIA Masat (3) Dap Ba Masat (12) Dap Dung ginra, Hku Ta mare kaw gumshem Myen hpyen dap Hk.L.Y (276) hte Hk.M.Y (319) pawng hpawm dap ni hte KIA,KPDF ni April shata praw 3 ya shana daw hkying 5:10pm aten kaw na hkying 5:45pm aten laman gasat gala majan byin ai lam chye lu ai.

Gumshem Myen hpyen n-gun (80) daram gaw, KIA hte KPDF pawng hpawm hpyen ni nga ai shara de htu shadut lung wa ai majaw, hkap shingla gasat poi byin ai re.

We Ma,Chyawk Chyu kaw na Shwegu maga de lagaw lam hku yu wa ai Gumshen Myen hpyen dap Hk.L.Y (236) dap na hpyen n-gun 80 jan hpe Shwegu na modo 2 hte wa htaw la nna, bai nhtang yu wa ai ten, hkying 6:30pm aten hta Ngabat Wa mayan kaw KIA,KPDF ni bawm 6 lang hkap gap gasat ai lam chye lu ai.

Dai ni April shata praw 4 ya shani hta mung Hku Ta mare mayan kaw gasat poi matut byin ai lam, shawng lam na lit nga ai Salang ni tsun ai ai kaw na chye lu ai.