KIA hpyen hpung ni nga ai maga de Myen hpyen ni, laknak kaba gap bun

KIA Dap Ba ( 2 ) Dap Dung ( 14 ) ginra, Mai Sak Post kaw nga ai pawnghpawm Myen hpyen dap ni, July praw, 1 ya jahpawt hkying 2:00 am aten kawn hkying 5:45am aten laman KIA hpyen hpung ni shara jahkrat nga ai, N-Ga Ga Tsan Lun Post maga de laknak kaba ( 20 ) lang gap bun ai lam, shawnglam shisawk salang langai shana wa ai kawn chye lu ai.

Danai maga laiwa laisa galaw nga ai mungmasha ni hpe mung, Myen hpyen hpung ni, Maran kahtawng kaw jahkring sanjep nga ai lam matut chye lu ai.