Sut Mai Yang Nawku Jawng wang kaw Ramma sharin hpawng galaw

Je Yang Hkristan Hkalup Hpung Ramma komiti ni kaw nna, woi awn galaw nhtawm, 4 lang na Ramma shawa Chyum sharin hpawng hpe Sut Mai Yang Nawku Jawng Wang kaw sharin ai lam chye lu ai.

Ramma Chyum sharin hpawng galaw ai a yaw shada lam hpe Je Yang Ramma Hpa-awn Sara Lahpai La Awng ya na zawn tsun ai.

“Ginhtawng ten hta Ramma ni chye gying chye mai ai, grau nna gaw Karai Kasan a mungga, Myu hte Mungdan gaw gap ga ngu ai lam hta ra ahkyak nga ai hpaji ni machye machyang ni hpe mai byin dang di ai made jaw lu na matu re”

Hpawng hpe April shata 23 ya kaw nna 26 ya shani du hkra sharin sa wa na rai nna, sharin Sara (5) hte Bungli lu ai Ramma, Hkristu hta Myu hte Mungdan gaw gap ai Ramma, Tsa Ban 21 Ramma, Sai Alu jaw lam ngu ai ga baw ni hpe sharin ya ai lam Sara matut tsun ai.

Ramma Chyum sharin hpawng hta Je Yang hte Hpunlum Yang hpyen yen dabang na ramma yawng marai (200) daram sa du sharin hkam la ai lam chye lu ai.