Music Theory And Basic Singing Method sharin sa wa na
Wunpawng Shingni Hpung Ginjaw, Yu-ngwi Sub-komiti kaw na woi awn galaw ai, Music Theory And Basic Singing Method wunkat hpe May shata praw 8 ya shani kaw na hpaw sharin sa wa na lam chye lu ai.
Wunpawng Shingni Hpung Ginjaw, Shingni Nli Gawknu, Shatapru Manau Wang hta galaw sa wa na rai nna, shata mi tup sharin sa wa na lam chye lu ai.
Sharin sara hku nna, Sara. Nawhpwi (Bachelor Of Music In Voice) Silliman University Philippines kaw na sharin ya na rai nna, yu-ngwi mahkawn hkawn ai hpaji hte Music Theory hpe myit lawm ai kadai raitim, sa du sharin hkamla mai ai lam chye lu ai.
Sharin hkamla na jawngma ni gaw asak (14) ning lahta na ramma ni rai ra na hte wunkat manu hpe marai langai mi lap mun (50,000Ks) bang ra na lam chye lu ai.
Mying jahpan hpe May shata praw 4 ya shani kaw nna, Wunpawng Shingni Hpung Ginjaw Rung de jahpawt hkying 9:00am kawn hkying 4:00pm aten du hkra mai sa bang sai lam chye lu ai.
