Gumshem Myen hpyen dap hte KIA ni gasat gala majan byin
KIA Masat (3) Dap Ba, Masat (12) Dap Dung ginra hta, May shata 25 ya jahpawt hkying 10:30 aten, gumshem Myen hpyen dap hte KIA ni gasat gala majan byin ai lam chye lu ai.
Gumshem Myen hpyen dap Hk.L.Y (77) dap na hpyen hpung ni gaw, Kawng Kin Ta kaw na rawt wa nna, We Pawng mayan de gale pru wa ai ten hta KIA ni hkap gap ai kawn gasat poi byin ai lam chye lu ai.
KIA Masat (9) Dap Ba, Masat (6) Dap Dung ginra hta mung, Hpakant Maw Wan mare kaw na mungshawa langai hpe gumshem Myen hpen dap Hk.L.Y (76) dap ni rim woi mat ai lam ginra masha ni kaw na chye lu ai.
May shata 25 ya shani hta sha, Jinghpaw Mungdaw Hkring mang Daju Slg. Hkyet Thing Nan hte Hkring mang marai (6) hpung ni Nmawk hpyen yen, Hka Wan Bang mare maga de Asuya hte seng ai hkauna lawk ni hpe sa du gawan ai lam chye lu ai.
