Wunpawng Mungdan Shanglawt Asuya Balik Makan Dap hpaw ai (20) ning hpring Chyeju Shakawn Wunli la akyu hpyi hpawng galaw

Wunpawng Mungdan Shanglawt Asuya Balik Makan Dap a (20) ning hpring wunli la kyu hpyi hpawng lamang hpe June shata praw (6) ya jahpawt hkying 7:00am aten hta Ning-gawn Gawknu kaw galaw la lu sai.

(20) ning hpring chyeju shakawn mara raw wunli la akyu hpyi hpawng lamang hta magam gun ni hpe Karai Kasang lam woi bau sin ya na matu, Mung Chying Mung shawa ni, Makan Dap, Magam Dap a magam gun hpa-awn kaji kaba hte shawnglam hkan nga ai myitrum ni yawng ngwi pyaw hkamja let Mungdan magam bungli galaw sa wa lu na matu hte Ginwang Ginjaw Balik Dap, Gaiwang hkan nga ai Balik magam gun ni yawng a matu wunli la ai akyu hpyi hpawng re.

Balik Makan Dap hpe laksan Laiza muklum Balik Dabang hte Mai Ja Yang Gaiwang Balik Dap hpe 2003 ning June shata 6 ya shani KIC Ningbaw Kaba Lamung Tu Jai ta masat ka nna, June shata (10) ya shani hta Ningbaw Kaba a lakhtak hta Mung Chying Up Hkang Dap kaw na lit la nna, Balik dabang hpe hpaw hpang la lu ai lam chye lu ai.

Dai ni hta sha, Mung Chying Up Hkang Dap, masha pru,shang Gawnhkang Magan Dap (20) ning hpring hte Matsun Du, Du Kaba Chyin yu La Ring a magam gun ladaw (20) ning hpring wunli la akyu hpyi hpawng hpe Hpung Wa Ning Awn Gawknu, D.G.A kaw galaw la lu sai.

Lamang hta Matsun Du, Du Kaba Chyin yu La Ring kaw nna (20) ning hpring labau hpe hti nhtawm, chyeju dum makun lit kyu hpyi ap ai lam, mara raw akyu hpyi ai lam, wunli la akyu hpyi ai lam galaw ai.

Daini na hpawng hta saw shaga da ai Makan Dap, Magam Dap shagu de na myitsu salang ni, hpung woi kanu kawa ni hte rau magam gun ni yawng angwi apyaw wu wu di di galaw la lu sai re.