Ga Ra Yang mare hta hkali ana byin ai masha law nga

Ga Ra Yang mare hta hkali ana byin ai masha law nga ai lam, mare na lit nga ai salang langai tsun ai kaw na chye lu ai.

Ya aten hta mare kata hkali ana byin hkrum ai masha marai (100) jan daram nga ai rai nna, April shata kaw nna hkali ana byin ai masha law wa ai re.

“Mare kata hkali ana n byin hkra, nawku hpung kaw na woi awn nhtawm, lawk hte lawk hku nna makau grupyin, dum nta, lam ni hpe jasan jaseng ai lam ni woi galaw ai, nta kata ji grawng tsi hkan gat ya ai zawn re lam ni hpe woi galaw nga ai re” nga nna mare na lit nga salang langai tsun ai.

Lai wa sai April shata kaw nna Waingmaw hkamja lam hte seng ai wuhpung wuhpawng ni kaw nna lit la nhtawm, n ta shagu ji grawng tsi hkan gat ya ai lam ni mung nga ai re.

Ga Ra Yang mungmasha ni gaw hpyen majan a majaw, hpyen yen dabang kaw nna lai wa sai 2020 ning hta mare de bai ya nga hpang ai gaw, ya aten mungmasha yawng marai (200) jan du nga sai hpe mung chye lu ai.

၎

င

၎

၎